Shugabar Kungiyar Matan Jami\u2019an Kashe Gobara (Fire Officers Wives Association \u2013 FOWA), Mrs. Olufunke Olumode, ta yi kira ga mata a fadin kasar nan da su fifita lafiyarsu ta hanyar rungumar hanyoyin gano cutar sankarar mahaifa da wuri da kuma matakan kariya, inda ta bayyana cutar a matsayin daya daga cikin cututtukan sankara da ake iya karewa da kuma warkarwa idan aka gano su tun da wuri.
Ta jaddada cewa yin gwajin lafiya akai-akai shi ne ginshikin kariya mafi muhimmanci, tana mai cewa gwaje-gwajen Pap smear da na kwayar Human Papillomavirus (HPV) na iya gano sauye-sauyen da ba su dace ba tun kafin su rikide zuwa cutar sankara. A cewarta, jira sai alamomi sun bayyana kafin neman kulawar likita kan rage yiwuwar samun nasarar magani.
Mrs. Olumode ta kuma nanata muhimmancin rigakafin HPV, tana bayyana cewa rigakafin na bayar da kariya mai karfi daga kwayar cutar da ke haddasa mafi yawan cututtukan sankarar mahaifa. Ta bayyana rigakafin a matsayin mai aminci, ingantacce, kuma muhimmin mataki wajen kare lafiyar \u2018yan mata da mata gaba daya.
Tana jaddada muhimmancin wayar da kai, ta bukaci mata da su kula da alamomin gargadi kamar zubar jini ba tare da ka\u2019ida ba daga farji, ciwon mara ko kugu da ke ci gaba, da kuma fitar wani abu daban daga farji. Ta ce duk wata irin alama daga cikin wadannan na bukatar a garzaya wajen likita ba tare da bata lokaci ba.
Ta kara karfafa gwiwar mata da su rungumi kyawawan dabi\u2019un kula da lafiyar jima\u2019i, ciki har da rage yawan abokan jima\u2019i da kuma amfani da hanyoyin kariya, domin wadannan matakai na rage hadarin kamuwa da kwayar HPV, wadda ita ce babbar sanadiyyar sankarar mahaifa.
Mrs. Olumode ta yi gargadi kan shan taba sigari, tana cewa yana raunana garkuwar jiki tare da kara hadarin kamuwa da sankarar mahaifa. Ta kuma tunatar da mata kada su yi sakaci da duba lafiyarsu akai-akai, ko da suna jin lafiyarsu kalau, domin yawanci ana gano cututtuka tun da wuri ne a irin wadannan ziyarce-ziyarcen asibiti.
A karshe, ta yi kira ga iyalai da al\u2019umma gaba daya da su mara wa lafiyar mata baya, inda ta bukaci mazaje, iyaye, da abokan aiki da su karfafa gwiwar mata su je gwaji da kuma karbar rigakafi. A cewarta, wayar da kai mai dorewa a yau ita ce hanya mafi tabbas ta samun kariya gobe, tana mai cewa daukar mataki da wuri na iya ceton rayuka.<\/p>\n\n\n\n
<\/p>\n","protected":false},"excerpt":{"rendered":"
Shugabar Kungiyar Matan Jami\u2019an Kashe Gobara (Fire Officers Wives Association \u2013 FOWA), Mrs. Olufunke Olumode, ta yi kira ga mata a fadin kasar nan da su fifita lafiyarsu ta hanyar…<\/p>\n","protected":false},"author":6,"featured_media":20955,"comment_status":"open","ping_status":"open","sticky":false,"template":"","format":"standard","meta":{"_crdt_document":"","_jetpack_memberships_contains_paid_content":false,"footnotes":""},"categories":[1],"tags":[],"class_list":["post-20964","post","type-post","status-publish","format-standard","has-post-thumbnail","hentry","category-pages"],"yoast_head":"\n