An shiga wani yanayi na bakin ciki da rudani a sansanin sojoji na Wawa, Jihar Neja, bayan wani mummunan lamari da ya faru, inda wani soja mai suna Lance Corporal Akinyele Femi ya harbi matarsa ya kuma kashe kansa daga baya. Lamarin mai tayar da hankali ya faru ne a ranar 11 ga Oktoba, 2025, a cikin gidansu dake Block 15, Room 24, Corporals and Below Quarters.<\/p>\n\n\n\n
A cikin wata sanarwa da Kyaftin Stephen Nwankwo, mai rikon mukamin Daraktan Hulda da Jama\u2019a na Rundunar Soja ta 22 Armoured Brigade, Ilorin, ya fitar, rundunar ta tabbatar da cewa ta kaddamar da cikakken bincike kan dalilan da suka jawo wannan mummunan lamari.<\/p>\n\n\n\n
Binciken farko, a cewar Nwankwo, ya nuna cewa Lance Corporal Femi yana bakin aiki a cikin sansanin lokacin da ya nemi izini daga babbansa domin ya tafi gida ya magance wasu al\u2019amura na kashin kansa. Abin takaici, bayan sa\u2019o\u2019i kadan, an gano gawar sa da ta matarsa a cikin dakinsu.<\/p>\n\n\n\n
\u201cAn adana gawar wadanda abin ya rutsa da su, yayin da bincike mai zurfi ke gudana domin gano ainihin abin da ya haddasa wannan abin takaici,\u201d in ji sanarwar.<\/p>\n\n\n\n
Lamarin ya girgiza mazauna sansanin, inda da dama suka bayyana mamaki da bakin ciki, suna bayyana marigayin a matsayin soja mai ladabi da jajircewa. Sun ce abin mamaki ne yadda aka shiga irin wannan hali.<\/p>\n\n\n\n
Rundunar Sojan Najeriya ta mika ta\u2019aziyyarta ga iyalan mamatan, abokan aikinsu da abokansu, tana mai cewa \u201cta shiga cikin alhini da ba\u0199in ciki sosai bisa wannan mummunan lamari,\u201d tare da tabbatar da cewa za a yi duk mai yiwuwa don gano gaskiyar abin da ya faru.<\/p>\n\n\n\n
Brigadier-Janar Ezra Barkins, kwamandan Rundunar Soja ta 22 Armoured Brigade, ya tabbatar da cewa sakamakon binciken za a bayyana shi ga jama\u2019a. Haka kuma, ya bayyana cewa za a dauki matakan cikin gida don hana faruwar irin wannan abu nan gaba.<\/p>\n\n\n\n
Wannan lamari ya sake jawo tattaunawa kan lafiyar kwakwalwa da yanayin tunanin sojoji, inda ake kira da a kara samar da tallafin kwantar da hankali da shawarwari ga sojojin da ke fama da matsin lamba na aiki ko na rayuwa ta kashin kansu.<\/p>\n","protected":false},"excerpt":{"rendered":"
An shiga wani yanayi na bakin ciki da rudani a sansanin sojoji na Wawa, Jihar Neja, bayan wani mummunan lamari da ya faru, inda wani soja mai suna Lance Corporal…<\/p>\n","protected":false},"author":6,"featured_media":15871,"comment_status":"open","ping_status":"open","sticky":false,"template":"","format":"standard","meta":{"_crdt_document":"","_jetpack_memberships_contains_paid_content":false,"footnotes":""},"categories":[1],"tags":[],"class_list":["post-15869","post","type-post","status-publish","format-standard","has-post-thumbnail","hentry","category-pages"],"yoast_head":"\n