A kalla ma\u2019adinai 13 aka tabbatar da mutuwarsu, yayin da wasu da dama suka makale a \u0199asa, bayan da wani ramin hakar zinariya ya rufta a kauyen Kadauri da ke karamar hukumar Maru, Jihar Zamfara, a ranar Alhamis.<\/p>\n\n\n\n
Shaidu sun ce hatsarin ya faru ne kwatsam lokacin da daruruwan ma\u2019adinai ke aiki a cikin ramin. Daya daga cikin wadanda suka tsira, Sani Hassan, ya bayyana yadda ya ku\u0253uta da rai, inda ya ce ya fito daga ramin domin sha ruwa mintuna ka\u0257an kafin ramin ya rufe ya binne abokan aikinsa.<\/p>\n\n\n\n
\u201cNi ma ina cikin ramin a baya, amma na fito domin sha ruwa. Da zarar na fito, sai ramin ya rufta ya binne mutane da dama. Fiye da mutum 30 ne ke ciki a lokacin. Nan take aka tono gawarwaki 11, amma akwai sauran da dama a ciki,\u201d in ji Hassan.<\/p>\n\n\n\n
Nan da nan ma\u2019adinai da mazauna yankin suka fara aikin ceto da karfinsu. Wani daga cikin masu aikin ceto, Sanusi Auwal, wanda ya rasa \u0257an uwansa a hatsarin, ya shaida wa Reuters cewa an tono gawarwaki 13 zuwa jiya Juma\u2019a. Ya ce fiye da mutum 100 ne ke cikin ramin lokacin da ya rufta.<\/p>\n\n\n\n
\u201cMun yi sa\u2019a muka tsira. Daga cikin mutane sama da 100, mu 15 ne kawai muka tsira da rai,\u201d in ji wani wanda ya tsira, Isa Sani, wanda yake kar\u0253ar magani a halin yanzu saboda raunukan da ya samu.<\/p>\n\n\n\n
Shugaban \u0198ungiyar Ma\u2019adinai ta Jihar Zamfara, Muhammadu Isa, ya tabbatar da aukuwar lamarin, inda ya bayyana shi a matsayin daya daga cikin mafi muni da aka ta\u0253a samu a \u2018yan shekarun nan. Ya yi tir da rashin tsaron aikin hakar ma\u2019adinai wanda ke jefa rayukan ma\u2019adinai cikin ha\u0257ari.<\/p>\n\n\n\n
Har zuwa daren Juma\u2019a, ana ci gaba da aikin ceto da taimakon mazauna yankin, wadanda ke amfani da kayan aikin hannu wajen tono \u0199asa. Sai dai hukumomi ba su fitar da wata sanarwa ba tukuna, duk da \u0199o\u0199arin da aka yi wajen tuntu\u0253ar mai magana da yawun \u2018yan sanda na jihar, DSP Yazid Abubakar.<\/p>\n\n\n\n
Hatsarin ruftawar ramukan hakar ma\u2019adinai ba sabon abu ba ne a Zamfara, inda ake ci gaba da yin hakar ma\u2019adinai ba bisa \u0199a\u2019ida ba duk da haramcin da gwamnati ta sanya. Wannan mummunar masifa ta sake bayyana ha\u0257arin da ke tattare da wannan aiki a jihar.<\/p>\n","protected":false},"excerpt":{"rendered":"
A kalla ma\u2019adinai 13 aka tabbatar da mutuwarsu, yayin da wasu da dama suka makale a \u0199asa, bayan da wani ramin hakar zinariya ya rufta a kauyen Kadauri da ke…<\/p>\n","protected":false},"author":6,"featured_media":14783,"comment_status":"open","ping_status":"open","sticky":false,"template":"","format":"standard","meta":{"_jetpack_memberships_contains_paid_content":false,"footnotes":""},"categories":[1],"tags":[],"class_list":["post-14786","post","type-post","status-publish","format-standard","has-post-thumbnail","hentry","category-pages"],"yoast_head":"\n